မတော်တရော် // ဂျူး
မတော်တရော် // ဂျူး --- တခါတခါတော့လည်း ကျွန်မတို မြန်မာယောင်္ကျားတွေ တော်တော် စိတ်ထားမြတ်ကြပါရဲ့ဟု ရေရွတ်မိသည်။ ကျွန်မ စိတ်တိုင်းမကျစရာ အမျိုးသမီးရုပ်တွေနှင့် ပြက္ခဒိန်တို့ Wall Sheet တို့ကို မြင်မိသည့်အခါမျိုးမှာ ဖြစ်တတ်သည်။ မြန်မာ့ ရုပ်မြင်သံကြားနှင့် မြဝတီကကြော်ငြာတွေကို မြင်မိသည့်အခါမျိုးမှာ ဖြစ်တတ်သည်။ ကျွန်မတို့ မြန်မာရုပ်ရှင်မင်းသမီးအချို့၊ ကိုယ်ဟန်ပြမယ်တချို့သည် ဓါတ်ပုံရိုက်ခံလျှင် အလိုအလျှောက်ပင် မတော်မတဲ့ ဟန်ပန်တွေ ဖြစ်ကုန်တတ်ကြသလား။ ဒါကတော့ ကျွန်မ မသိနိုင်ပေ။ ကျွန်မ မြင်တွေ့နေရသည့် ကိုယ်ဟန်တွေကတော့ နည်းနည်းမှကြည့်မကောင်းပါ။ အထူးသဖြင့် ထိုင်လျှက်ပုံတွေ ဖြစ်သည်။ ကုလားထိုင်ပေါ်မှာပဲ ထိုင်ထိုင်၊ မြက်ခင်းပေါ်မှာပဲ ထိုင်ထိုင်၊ ထိုင်လိုက်သမျှ ကိုယ်ဟန်တွေက ယောင်္ကျားတွေအတွက် စိတ်ရိုင်းဝင်စရာ ဟန်တွေချည့် ဖြစ်သည်။ လှသလားဆိုတော့ အဲဒီဟန်တွေက နည်းနည်းလေးမှမလှ။ ယောင်္ကျားတွေကို ဆွဲဆောင်သည်ဆိုလျှင်လည်း ပြေပြေပြစ်ပြစ် ဆွဲဆောင်နိုင်မှာမဟုတ်။ အနုပညာပါပါ ဆွဲဆောင်မှာမဟုတ်။ တစ်တစ်ခွခွ ဆွဲဆောင်ခြင်းပဲ ဖြစ်နိုင်ပါသည်။ ကျွန်မတို့နိုင်ငံမှာ ဘာကြောင့် ပြက္ခဒိန်တွေ Wall Sheetတွေ ဖောင်းပွနေရသလဲ ... ဟု